لاہور کے علاقے سرور روڈ تھانہ کی حدود میں ایک کروڑ مالیت کے 60 تولے سونے اور لاکھوں روپے نقدی کی چوری کا معمہ حل کر لیا گیا۔
گرفتاری کی تفصیلات:
انچارج انویسٹی گیشن تھانہ سرور روڈ نے کارروائی کرتے ہوئے خاتون ملزمہ ماہ نور خالق کو اس کے ساتھی جام شان سمیت گرفتار کر لیا۔
مال مسروقہ کی بازیابی:
ملزمان سے 55 تولے سونے کے زیورات اور 4 لاکھ روپے نقدی برآمد کیے گئے۔ملزمہ ماہ نور خالق چوری کی متاثرہ خاتون انجم اقبال کی گھریلو ملازمہ تھی۔
جرم کی تفصیلات:
خاتون ملزمہ اپنے ساتھی کے ساتھ مل کر گھر سے سونا اور نقدی چوری کرکے فرار ہو گئی تھی۔ملزمان کی گرفتاری ہیومین انٹیلیجنس، سی سی ٹی وی فوٹیجز، اور آئی ٹی ایکسپرٹس کی مدد سے ممکن ہوئی۔یہ کارروائی لاہور پولیس کی تیز اور مؤثر تحقیقات کا نتیجہ ہے، جس سے شہریوں کے تحفظ اور جرائم کے خاتمے کے عزم کی عکاسی ہوتی ہے۔
