کوئٹہ: افغان یوں کا انخلا ء ‘پراپرٹی کی قیمتیں70سے80فیصد گرگئیں

مختلف علاقوں میں افغان مہاجرین کی بڑی تعداد 4 دہائیوں سے مکانات خرید کر مقیم تھی
کوئٹہ (آئی این پی )کوئٹہ سے افغان مہاجرین کے انخلا کے اثرات شہر کی پراپرٹی مارکیٹ پر نمایاں ہونے لگے۔رپورٹ کے مطابق کوئٹہ کے نواحی علاقوں مشرقی بائی پاس، سیٹلائٹ ٹائو ن، نواکلی اور پشتون آبادمیں افغان مہاجرین کی بڑی تعداد گزشتہ 4 دہائیوں سے مکانات خرید کر مقیم تھی۔تاہم وفاقی اور صوبائی حکومتوں کے فیصلے کے بعد افغان مہاجرین مکانات فروخت کرکے واپس لوٹ رہے ہیں۔جن علاقوں میں افغان مہاجرین زیادہ آباد تھے وہاں پراپرٹی کی قیمتیں 70 سے 80 فیصد گرگئی ہیں تاہم  مشرقی بائی پاس، سریاب روڈ، خروٹ آباد، پشتون آباد میں پراپرٹی کے ریٹ پر 80 سے 90 فیصد اثر  پڑا ہے۔