چیئرمین پیپلزپارٹی بلاول بھٹو نے سندھ یونیورسٹی جامشورو کے کانووکیشن سے خطاب کرتے ہوئے کہا کہ بجٹ بنانے والے 60 سال سے زائد عمر کے افراد ہیں جو نوجوانوں کے مستقبل کے بارے میں نہیں سوچتے۔
انہوں نے موسمیاتی تبدیلیوں کو مستقبل کے لئے ایک بڑا خطرہ قرار دیتے ہوئے کہا کہ پاکستان اور دنیا دونوں اس چیلنج کے لئے تیار نہیں ہیں۔ بلاول بھٹو نے مزید کہا کہ گلیشئرز کے پگھلنے سے سیلاب کا خطرہ بڑھ سکتا ہے اور انہوں نے مستقبل کے لئے ترقیاتی منصوبوں میں احتیاط کی ضرورت پر زور دیا۔تعلیم کو غیر چھیننے والا ہتھیار قرار دیتے ہوئے بلاول بھٹو نے کہا کہ ملک میں لوڈشیڈنگ کے خاتمے کے دعوے مذاق سے کم نہیں ہیں، اور اندرون سندھ میں لوڈشیڈنگ کے مسائل پر بھی بات کی۔ انہوں نے کہا کہ ہم کم قیمت پر بجلی پیدا کر سکتے ہیں اور لوڈشیڈنگ کا خاتمہ کر سکتے ہیں۔ بلاول بھٹو نے تیز ترین انٹرنیٹ کی فراہمی کو بنیادی انسانی حقوق میں شامل قرار دیتے ہوئے ڈیجیٹل بل آف رائٹس کے نفاذ کی بات بھی کی۔
