انڈین پریمئیر لیگ (آئی پی ایل) 2024 میں رائل چیلنجرز بنگلور (آر سی بی) کے خلاف پنجاب کنگز (پی بی کے ایس) کی شکست کے بعد بھارتی کرکٹر شریاس ایئر کو سوشل میڈیا پر شدید تنقید کا سامنا کرنا پڑا، جس میں ان کی فیملی کو بھی نشانہ بنایا گیا۔
اس تنقید کا سامنا شریاس ایئر کی بہن شریستا نے کیا، جنہوں نے اس پر سخت ردعمل دیا۔شریستا نے انسٹاگرام پر ایک اسٹوری شیئر کرتے ہوئے کہا کہ "لوگ صرف کھلاڑی کے خاندان کو سپورٹ کرنے پر انہیں نشانہ بناتے ہیں۔ چاہے ہم اسٹیڈیم میں موجود ہوں یا دور سے سپورٹ کر رہے ہوں، ہماری ٹیم کے لیے محبت ہمیشہ برقرار رہتی ہے۔ جو لوگ مجھ پر انگلی اٹھا رہے ہیں، ان کی تنگ نظری نہ صرف مضحکہ خیز ہے بلکہ شرمناک بھی ہے۔"انہوں نے مزید کہا، "میں نے کئی میچز میں شریاس ایئر کو سپورٹ کیا ہے، جن میں سے زیادہ تر جیت میں ختم ہوئے۔ لیکن شاید اسکرین کے پیچھے بیٹھ کر ٹرول کرنے والوں کے لیے حقائق کوئی معنی نہیں رکھتے۔"یہ پہلی بار نہیں ہے کہ کسی کرکٹر کے خاندان کو اس طرح کی ٹرولنگ کا سامنا کرنا پڑا ہو۔ اس سے پہلے بھی شبمن گِل کی بہن، روہت شرما کی بیٹی اور کے ایل راہل کی اہلیہ کو بھی ویرات کوہلی کے مداحوں نے ہراساں کیا تھا۔
