6سالہ بیٹی کے سامنے ماں قتل

عامر آباد جیون پورہ میں نامعلوم افراد نے محنت کش کے گھر داخل ہوکر بیٹی کے سامنے ریحانہ کا گلا کاٹ دیا 
شیخوپورہ(خصوصی رپورٹ) شیخوپورہ فیصل آباد روڈ کی آبادی عامر آباد جیون پورہ میں مبینہ طور پر نامعلوم افراد نے محنت کش ولایت حسین کے گھر میں داخل ہو کر اس کی بیوی ریحانہ بی بی کو 6 سالہ بیٹی کے سامنے تیز دھار بلیڈ سے شہ رگ کاٹ کر قتل کردیا۔ تھانہ بھکھی پولیس نے4بچوں کی ماں 38سالہ ریحانہ بی بی کی لاش تحویل میں لیکر پوسٹمارٹم کیلئے ڈی ایچ کیو ہسپتال منتقل کر دی۔ پولیس حکام کا کہنا کہ مقتولہ کا خاوند پینٹ کا کام کرتا ہے۔ وقوعہ کے روز مقتولہ ریحانہ اپنی6 سالہ بیٹی لائبہ کے ساتھ گھر پر تھی۔ مقتولہ آئس کا نشہ بھی کرتی تھی۔اس کی لاش کے پاس سے نشہ آور اشیاء￿  اور تیز دھار بلیڈ ملے ہیں۔ ریحانہ بی بی کی ہلاکت کی تفتیش قتل کے علاوہ خودکشی کے پہلو سے بھی کی جائے گی۔