پاکستان2050 تک خطرناک ماحولیاتی تبدیلیوں کا شکار رہے گا: ماہرین

شدید سیلاب کا سامنا کرنا پڑے گا ‘ خشک سالی کا بھی سامنا کرنا پڑے گا:ڈاکٹر ارم ستار
 اسلام آباد(آئی این پی )امریکا کے معروف ماحولیاتی ماہرین نے انکشاف کیا ہے کہ 2050  تک پاکستان خطرناک ماحولیاتی تبدیلیوں کا شکار ہوتا رہے گا۔ایک ٹی وی پروگرام میں گفتگو کرتے ہوئے  ڈاکٹر ارم ستار نے کہا کہ 2050 تک ہمیں مزید سیلاب کا سامنا کرنا پڑے گا اور اس کے علاوہ خشک سالی کا بھی سامنا کرنا پڑے گا۔ انہوں نے کہا کہ موسمیاتی تبدیلی کی وجہ سے ہماری صحت اور غذا کے معیار پر بہت فرق پڑے گا، ہر چیز میں مسائل کا سامنا ہوگا۔بوسٹن یونیورسٹی کے ڈاکٹر عادل نجم نے کہا  ماحولیاتی تبدیلیوں نے تقریریں نہیں سننی، اس نے جو کرنا ہے وہ کرے گا اور اس سے ہر شخص متاثر ہوگا۔