اسرائیلی حملوں میں 12 بچوں سمیت 32 فلسطینی شہید

اسرائیلی حملوں میں غزہ کا بیشتر حصہ تباہ ، 20 لاکھ سے زائد آبادی کے حامل علاقے کی 90 فیصد آبادی گھروں سے محروم ہوچکی
لاہور(نیٹ نیوز) اسرائیلی حملوں میں 12 بچوں سمیت 32 فلسطینی شہید ہوگئے۔غزہ کی وزارتِ صحت کا کہنا ہے کہ اسرائیلی حملوں میں 64 ہزار 803 افراد شہید ہوچکے ہیں۔وزارتِ صحت نے مزید بتایا کہ شہید ہونے والوں میں آدھی تعداد خواتین اور معصوم بچوں کی ہے۔اسرائیلی حملوں میں غزہ کا بیشتر حصہ مکمل طور پر تباہ ہوچکا ہے، 20 لاکھ سے زائد ا?بادی کے حامل علاقے کی 90 فیصد آبادی گھروں سے محروم ہوچکی ہے۔دوسری جانب اسرائیل نے غزہ کی بڑی عمارتوں کو خاص طور پر نشانہ بنانا شروع کردیا ہے، اسرائیلی حکام نے الزام لگایا ہے کہ ان بلند عمارتوں میں فلسطینی مزاحمتی تنظیم حماس نے جاسوسی کے آلات نصب کیے ہوئے ہیں