گنڈاپورعدالتوں سے اجازت لے کر افغانستان جاسکتے ہیں:فرازمغل

وہ وزیراعلی ہیں کیسے قانون توڑ کر بیرون ملک جاسکتے ہیں:ترجمان وزیراعلی کے پی
پشاور(آئی این پی )وزیراعلی خیبر پختونخوا کے ترجمان فراز مغل نے کہا ہے کہ علی امین گنڈاپور عدالتوں سے اجازت لیکر افغانستان جاسکتے ہیں،علی امین   وزیراعلی ہیں کیسے قانون توڑ کر بیرون ملک جاسکتے ہیں۔ ایک انٹرویو میں  فراز مغل  نے کہا کہ خیبر پختونخوا پولیس دہشت گردوں اور خوارج کا مقابلہ کررہی ہے، کے پی پولیس کو جدید ہتھیاروں سے لیس کیا ہے۔ترجمان وزیراعلی خیبر پختونخوا نے کہا کہ خیبر پختونخوا میں جہاں ضرورت ہے انٹیلی جنس بیسڈ آپریشن ہوتے ہیں، دہشت گردی کو تنہا کوئی ختم نہیں کرسکتا، مل کر قلع قمع کریں گے۔