کراچی کے علاقے کریم آباد فرنیچر مارکیٹ کے قریب ایک دلخراش حادثے میں تابش اور عاطف نامی دو بھائی جان کی بازی ہار گئے۔
دونوں بھائی درزی سے کپڑے لینے جا رہے تھے کہ تباہ کن واقعہ پیش آیا۔ابتدائی اطلاعات کے مطابق دو ٹرالروں نے ایک دوسرے کے ساتھ ریس لگائی اور حادثاتی طور پر دونوں بھائیوں کو روند دیا۔پولیس نے دونوں ٹرالروں کے ڈرائیوروں کو گرفتار کر لیا ہے اور تفتیش جاری ہے۔حکام کے مطابق واقعے کی مکمل چھان بین کی جا رہی ہے اور جلد تفصیلی رپورٹ جاری کی جائے گی۔پولیس اور ٹریفک حکام نے شہریوں سے اپیل کی ہے کہ روڈ پر محتاط رہیں اور کسی بھی قسم کی غیر قانونی ریس یا تیز رفتاری سے گریز کریں تاکہ ایسے حادثات سے بچا جا سکے۔
