اسرائیل کا غزہ کیلئے امداد لے جانے والے فریڈم فلوٹیلا پر حملہ، 3 جہازوں پر قبضہ کرلیا

 اسرائیلی بحریہ نے فریڈم فلوٹیلا کے امدادی جہازوں پر اس جگہ حملہ کیا جو اسرائیلی ناکہ بندی سے120 ناٹیکل میل دور ہے
 کشتیوں اور ان میں سوارمسافر محفوظ ، تمام افراداسرائیلی بندرگاہ  پرمنتقل ، تمام افرادکو جلد ان کے وطن واپس بھیج دیا جائے گا
تل ابیب(آئی این پی )ا سرائیل نے غزہ کے لئے  امداد لے جانے والے فریڈم فلوٹیلا پر حملہ کر کے 3 جہازوں پر قبضہ کر لیا۔ غیر ملکی خبر رساں ادارے کے مطابق اسرائیلی بحریہ نے غزہ جانے والے فریڈم فلوٹیلا کولیشن کے امدادی جہازوں پر اس جگہ حملہ کیا جو اسرائیلی ناکہ بندی کے مقام سے 120 ناٹیکل میل دور ہے۔سوشل میڈیا سائٹ ایکس پوسٹ میں فلوٹیلا منتظمین نے لکھا کہ غزہ سے تقریبا 120 ناٹیکل میل کے فاصلے پر اسرائیل نے ہمارے بحری قافلے  پر حملہ کیا اور فی الحال کم از کم 3 کشتیوں پر سوار ہو چکے ہیں جبکہ اسرائیلی حکام نے زیادہ تر لائیو نشریات بھی منقطع کردی ہیں۔ اس حوالے سے اسرائیلی وزارت خارجہ نے اپنے ایک بیان میں کہاکہ فریڈم فلوٹیلا کی تمام کشتیوں اور ان میں سوارمسافر محفوظ ہیں، کشتیوں میں سوارتمام افراد کواسرائیلی بندرگاہ منتقل کر دیا گیا، کشتیوں میں سوارتمام افرادکو جلد ان کے وطن واپس بھیج دیا جائے گا