لاہورمیں ناشتے کی دکانوں پر غیر معمولی رش دیکھنے میں آیا

    لاہور( یواین پی)بسنت کا آخری روز اور چھٹی کی وجہ سے صوبائی دارالحکومت میں ناشتے کی دکانوں پر انتہائی رش دیکھنے میں آیا ، غیر ملکیوںاور دوسرے شہروں سے آئے مہمانوں کی لاہور کے روایتی ناشتے سے تواضع کی گئی ۔لاہور میں ناشتے کی دکانوں پر غیر معمولی رش دیکھنے میں آیا ۔ شہریوں نے بسنت کی مناسبت سے اپنی فیملیوں کے ہمراہ حلوہ پوری ، نان چنے ، پائے ، کچوری ،ہریسہ اور لسی کا ناشتہ کیا ،بسنت منانے کے لئے آنے والے غیر ملکیوں اور دوسرے شہروں سے آئے مہمانوں کی بھی لاہور ی ناشتے سے تواضع کی گئی جنہوں نے زندہ دلان لاہور کی مہمان نوازی اور ناشتے کی بھرپور تعریفیں کیں۔