مغربی بنگال میں بی جے پی کے سیاسی معاون کو انتخابی نتائج کے چند دن بعد فائرنگ کر کے قتل کردیا گیا ہے۔
موٹر سائیکل سوار مسلح افراد نے کولکتہ میں 41 سالہ چندر ناتھ رتھ کو ان کے گھر کے قریب گولی مار دی۔ میڈیا رپورٹس کے مطابق، وزیر اعظم نریندر مودی کی جماعت بی جے پی نے مغربی بنگال میں 294 اسمبلی سیٹوں میں سے 207 پر کامیابی حاصل کی، جو ریاست میں پہلی بار بڑی فتح ہے۔ واقعے کو "سفاکانہ قتل" قرار دیتے ہوئے بی جے پی رہنما سویندو ادھیکاری نے اس واقعے کی مذمت کی ہے۔ پولیس کے مطابق، حملہ آوروں نے رات 11 بجے چندر ناتھ کی گاڑی کو روک کر درجنوں فائر کئے، جس سے وہ شدید زخمی ہو گئے اور بعد میں دم توڑ گئے۔ بائیک پر جعلی رجسٹریشن نمبر پایا گیا ہے، اور حملہ آوروں کی تلاش جاری ہے۔ واضح رہے کہ یہ ہلاکتیں انتخابات کے بعد سے مغربی بنگال میں بڑھتی ہوئی کشیدگی اور تشویش کا سبب بن گئی ہیں، اور اب تک کم از کم پانچ ہلاکتیں ہو چکی ہیں۔
