وزیراعظم شہباز شریف نے سول سرونٹ پروموشن رولز میں تبدیلی کر دی ہے جس کے تحت گریڈ 22 میں پروموشن کے لیے کسی افسر کا کیس صرف دو مرتبہ زیر غور آسکے گا۔
گزٹ آف پاکستان میں اس تبدیلی کا نوٹیفکیشن جاری کر دیا گیا ہے اور اسٹیبلشمنٹ ڈویژن کی جانب سے نیا ایس آر او بھی جاری کیا گیا ہے۔ نوٹیفکیشن کے مطابق، اگر کسی افسر کا کیس دو مرتبہ زیر غور آنے کے بعد بھی پروموشن نہ مل سکی تو وہ افسر دوبارہ پروموشن کے لیے زیر غور نہیں آ سکے گا اور وہ سروس گروپ کا افسر اپنے پچھلے گریڈ میں ہی ریٹائر تصور ہوگا۔اس تبدیلی کا مقصد سرکاری افسران کی ترقی کے عمل کو مزید شفاف اور منظم بنانا ہے تاکہ پروموشن کے فیصلے جلد اور مؤثر طریقے سے کیے جا سکیں۔
