نوازشریف کشمیریوں کے قاتل مودی کے خلاف بولنے سے کترا رہے ہیں:بیرسٹر سیف

  پشاور (آئی این پی )  خیبرپختونخوا حکومت کے مشیر برائے اطلاعات  بیرسٹر سیف نے مسلم لیگ( ن ) اور سابق وزیراعظم نواز شریف پر کڑی  تنقید کرتے ہوئے کہا ہے کہ پی ٹی آئی پر تنقید کرنے والی حکومت پہلے اپنی جماعت کے صدر سے بھارتی وزیراعظم نریندر مودی کے خلاف دوٹوک موقف دلوا کر دکھائے۔پشاور میں میڈیا سے گفتگو کرتے ہوئے بیرسٹر سیف نے سوال اٹھایا کہ نواز شریف وضاحت کریں کہ مودی ان کی کمزوری ہے یا مجبوری؟ انہوں نے الزام عائد کیا کہ جاتی امرا میں دعوتیں کھانے والے کشمیریوں کے قاتل مودی کے خلاف بولنے سے نواز شریف کترا رہے ہیں۔