ویلنگٹن: نیوزی لینڈ کی وزارت خارجہ نے باضابطہ طور پر اعلان کیا ہے کہ ملک نے نیٹو کے دفاع اور سلامتی کے بینک میں شمولیت کی پیشکش مسترد کردی ہے۔
رپورٹس کے مطابق کینیڈا کی حمایت سے قائم کیے گئے اس بینک کا مقصد نیٹو کے رکن ممالک اور اتحاد کے شراکت دار ممالک کے دفاعی شعبے اور اسلحے کی ضروریات کے لیے مالی معاونت فراہم کرنا ہے۔نیوزی لینڈ کے اس فیصلے کی وجوہات بیان کرتے ہوئے مقامی نشریاتی ادارے نے وزارت دفاع کے حوالے سے بتایا کہ دستیاب اعداد و شمار اور جائزوں سے ظاہر ہوتا ہے کہ ملک کی دفاعی صنعت کو متبادل اقدامات اور پالیسیوں سے زیادہ فوائد حاصل ہوسکتے ہیں۔وزارت دفاع کے مطابق آزاد منڈیوں تک رسائی بہتر بنانے کے لیے خصوصی دفاعی فنانسنگ میکانزم کے قیام کے ممکنہ فوائد کے مقابلے میں دیگر اقدامات نیوزی لینڈ کی دفاعی صنعت کے لیے زیادہ مؤثر ثابت ہوں گے۔نیوزی لینڈ کی جانب سے یہ فیصلہ نیٹو کے دفاعی مالیاتی تعاون کے نئے طریقہ کار میں شامل نہ ہونے کے طور پر سامنے آیا ہے۔
