ۙپاکپتن :غیرقانونی پٹرول کی فروخت ،3سائٹس سربمہر

ڈپٹی کمشنر کی ہدایت پر سول ڈیفنس اور کسٹمز کی مشترکہ ٹیموں نے کارروائی کی 
غیر قانونی پٹرولیم کاروبار کے خاتمے تک کریک ڈا ئون ہوگا :ڈی سی آصف رضا
 پاکپتن (خصوصی رپورٹ)ڈپٹی کمشنر کی ہدایات پر سول ڈیفنس اور کسٹمز ڈیپارٹمنٹ کی مشترکہ ٹیموں نے پاکپتن کے مختلف علاقوں میں قائم غیر قانونی پٹرولیم سروسز کے خلاف کارروائی کرتے ہوئے3 سائٹس کو سیل کر دیا۔ ہوتہ روڈ پر واقع ایم کیپٹرولیم سروس سے 700 لٹر پٹرول اور 850 لٹر ڈیزل، علی اکبر پٹرولیم سروس سے 998 لٹر پٹرول اور 940 لٹر ڈیزل جبکہ پیر غنی روڈ پر واقع نعیم ارشد پٹرولیم سروس سے 920 لٹر پٹرول ضبط کیا گیا۔ڈپٹی کمشنر آصف رضا نے واضح کیا کہ غیر قانونی پٹرولیم کاروبار کے خاتمے تک کریک ڈا ئون بلا تعطل جاری رہے گا اور قانون شکن عناصر کے خلاف سخت قانونی کارروائی عمل میں لائی جائے گی۔