پاکستان مسلم لیگ کے رہنما اور سابق وزیراعظم نوازشریف نے قومی اسمبلی کے جاری اجلاس سے رخصت لے لی ہے۔
اسپیکر سردار ایاز صادق نے پیر کو ان کی درخواست ایوان میں پیش کی، جسے ارکان نے متفقہ طور پر منظور کیا۔ اس دوران حزب اختلاف کے ارکان بھی موجود تھے۔ نوازشریف، جو لاہور سے قومی اسمبلی کے رکن ہیں، گزشتہ ماہ آئین کی 27ویں ترمیم کی حمایت میں ووٹ دینے کے بعد سے کسی اجلاس میں شریک نہیں ہوئے۔دوسری جانب، جھنگ سے تحریک انصاف کے مرکزی سیکریٹری اطلاعات شیخ وقاص اکرم کو اسمبلی کی رکنیت سے محروم کیے جانے کی کارروائی کا سامنا ہے۔ ایوان نے 40 روز سے غیر حاضر رہنے کے باعث ان کے خلاف رکنیت معطل کرنے کی منظوری دی ہے۔ اسی طرح، ڈسکہ سے مسلم لیگ نون کی رکن سیدہ نوشین افتخار کی تحریک پر بھی عملدرآمد کا امکان ہے، جس میں ان کی رکنیت معطل کرنے کی درخواست دی گئی ہے۔
پیر کو، پارلیمنٹ کے خلاف تحریک انصاف اور دیگر رہنمائوں، خاص طور پر محمود خان اچکزئی کی دھمکیوں کے خلاف، حکمران اتحاد، جن میں پاکستان مسلم لیگ نون اور پیپلز پارٹی شامل ہیں، ایک ہوگئے۔ دونوں جماعتوں کے ارکان نے آئین کی 26ویں ترمیم کا دفاع کیا۔ پیپلز پارٹی کے کراچی سے رکن آغا رفیع اللہ نے بتایا کہ تحریک انصاف کے ارکان ترمیم کی تائید کے بعد رائے شماری کے موقع پر بدک گئے۔
