لاہور: پاکستانی فلم انڈسٹری کے معروف اداکار معمر رانا کی اہلیہ مہناز معمر رانا نے خلع کی ڈگری حاصل کر لی ہے اور شوہر کے ساتھ مصالحت کرنے سے بھی انکار کر دیا ہے۔
تفصیلات کے مطابق مہناز معمر رانا نے بیرسٹر خدیجہ صدیقی کے توسط سے خلع کی ڈگری حاصل کی۔ خلع کے قانونی عمل کے دوران انہوں نے معمر رانا کے ساتھ راضی نامہ یا مصالحت کرنے پر آمادگی ظاہر نہیں کی۔مہناز معمر رانا کا مؤقف ہے کہ وہ اب کسی صورت معمر رانا کے ساتھ ازدواجی زندگی جاری نہیں رکھنا چاہتیں۔ ان کے اس فیصلے کے بعد دونوں کے درمیان ازدواجی تعلق ختم کرنے کا قانونی معاملہ خلع کی ڈگری کے ذریعے اپنے انجام کو پہنچا ہے۔معمر رانا پاکستانی فلم انڈسٹری کے معروف اداکار ہیں جنہوں نے متعدد فلموں میں اپنی اداکاری کے جوہر دکھائے۔ ان کی ازدواجی زندگی سے متعلق یہ خبر سامنے آنے کے بعد شوبز حلقوں میں بھی اس معاملے پر توجہ دی جا رہی ہے۔
