نواز شریف مذاکرات کی ناکامی کے مشن میں کامیاب ہو گئے:بیرسٹر سیف

 جوڈیشل کمیشن نہ بنانے سے واضح ہو گیا چور کی داڑھی میں تنکا ہے،مشیر اطلاعات کے پی 
پشاور(آئی این پی ) مشیر اطلاعات خیبر پختونخوا بیرسٹر محمد علی سیف نے کہا نے کہ نواز شریف اور مریم نواز مذاکرات کی ناکامی کے مشن میں کامیاب ہوگئے، جوڈیشل کمیشن نہ بنانے سے واضح ہو گیا چور کی داڑھی میں تنکا ہے۔حکومتی مذاکراتی کمیٹی کے ساتھ مذاکرات کی ناکامی پر اپنے بیان میں بیرسٹر سیف نے کہا کہ نواز شریف نے عرفان صدیقی کو مذاکرات کی ناکامی کا ہدف دیا تھا، عرفان صدیقی اور رانا ثناء اللہ کے بیانات سے حکومت کی غیر سنجیدگی واضح تھی۔ ان کا کہنا تھا کہ نواز اور مریم گروپ مذاکرات کی ناکامی پر خوشی سے پھولے نہیں سما رہا۔پی ٹی آئی رہنما نے مزید کہا کہ نواز شریف کو سیاسی عدم استحکام میں اپنی بقاء نظر آ رہی ہے اور اسی لیے وہ اس صورتحال کو مزید پیچیدہ بنانے کی کوشش کر رہے ہیں۔انہوں نے کہا کہ وفاقی حکومت کو خدشہ ہے کہ جوڈیشل کمیشن سے حقیقت سامنے آ جائے گی۔