لاہور (کرائم رپورٹر) اینٹی نارکوٹکس فورس (اے این ایف) نے تعلیمی اداروں کے اطراف اور ملک کے مختلف شہروں میں منشیات اسمگلنگ کے خلاف سات کارروائیوں کے دوران خاتون سمیت چھ ملزمان کو گرفتار کرکے ایک کروڑ 22 لاکھ روپے مالیت کی 157.22 کلوگرام منشیات برآمد کرلی۔ ترجمان اے این ایف کے مطابق اٹک میں ایک یونیورسٹی کے قریب کارروائی کے دوران ملزم سے 120 گرام چرس اور 100 گرام آئس برآمد ہوئی۔ گرفتار ملزمان نے تعلیمی اداروں کے طلبہ کو منشیات فروخت کرنے کا اعتراف کیا ہے۔ فیصل آباد میں ساہیانوالہ انٹرچینج کے قریب ایک گاڑی سے 120 کلوگرام چرس برآمد کی گئی، جبکہ پشاور رنگ روڈ کے قریب گاڑی سے 10.8 کلوگرام افیون پکڑی گئی۔ راولپنڈی موٹروے ٹول پلازہ کے قریب گاڑی کے خفیہ خانوں سے 7.2 کلوگرام چرس برآمد ہوئی، جبکہ راولپنڈی انٹرچینج کے قریب ایک خاتون سے 2.4 کلوگرام چرس پکڑی گئی۔ سرگودھا کے جھال چکیاں چوک کے قریب ایک ملزم سے 3.6 کلوگرام چرس برآمد کی گئی۔ پشاور کے ٹریول کارگو آفس میں پشاور سے اسلام آباد جانے والی گاڑی کے ٹائر میں چھپائی گئی 13 کلوگرام چرس بھی برآمد ہوئی۔ اے این ایف نے ملزمان کے خلاف انسدادِ منشیات ایکٹ 1997ء کے تحت مقدمات درج کرکے تحقیقات شروع کردی ہیں۔
تازہ ترین
- بھارت کی سیر کا انوکھا اختتام، برطانوی جوڑا پسندیدہ رکشہ لندن لے گیا
- پنجاب بھر کی قانونی و غیر قانونی ہاؤسنگ سوسائٹیز کا ریکارڈ طلب
- ڈیرل مچل بھارتی بولرز کے لیے بڑا خطرہ بن گئے، ریکارڈز میں بھی سبقت
- ایم کیو ایم والے کان کھول کر سن لیں، شاہراہِ فیصل پر جلسے کی اجازت ہرگز نہیں ہوگی، شرجیل میمن
- مکہ مکرمہ پر ڈرون حملہ، سعودی اتحاد نے فضا میں ہی تباہ کرنے کا دعویٰ کردیا
- بھارت کی پریما راوت نے فاطمہ ثنا کا ریکارڈ توڑ دیا
- مذاکرات کا جواب دے دیا، جنگ روکنے کی ذمہ داری اب امریکا پر ہے، محمد باقر قالیباف
- کراچی: شاہراہ بھٹو پُل پر تیز رفتار کار الٹ گئی، دو خواتین زخمی
- انگلینڈ سے مقابلے کے لیے آسٹریلوی ٹیم میں بڑی تبدیلیاں، تین اہم بولرز ڈراپ
- کرکٹ کھیلتے ہوئے برطانوی وزیراعظم زمین پر گر پڑے، ویڈیو سوشل میڈیا پر وائرل
