ترکی کے علاقے گیبزے میں واقع عثمان غازی پل پر 21 سالہ سوشل میڈیا انفلوئنسر کبریٰ کارااصلان نے مبینہ طور پر خودکشی کے لیے پل سے چھلانگ لگا دی، جس کے نتیجے میں وہ جاں بحق ہو گئیں۔
عینی شاہدین نے بتایا کہ کبریٰ پل کی حفاظتی ریلنگ پر چڑھتی نظر آئیں، اور کئی افراد نے انہیں روکنے کی بھرپور کوشش کی، تاہم وہ اپنی نیت سے باز نہ آئیں۔ وائرل ویڈیوز میں دیکھا جا سکتا ہے کہ فریقین انہیں سمجھانے کی کوشش کرتے رہے، لیکن وہ کئی میٹر بلند پل سے پانی میں کود گئیں۔ریسکیو ٹیمیں فوری طور پر موقع پر پہنچیں اور کبریٰ کو نکال کر قریبی اسپتال منتقل کیا گیا، لیکن ڈاکٹروں نے انہیں مردہ قرار دیا۔کبریٰ کارااصلان سوشل میڈیا پر لائف اسٹائل اور فٹبال تھیم کنٹینٹ کے لیے خاصی مقبول تھیں اور ہزاروں فالوورز رکھتی تھیں۔ وہ ترک فٹبال کلب کی بھی زبردست مداح تھیں اور اکثر اپنی پوسٹس میں ٹیم کی حمایت کرتی رہیں۔ان کی اچانک موت نے سوشل میڈیا صارفین اور مداحوں کو شدید صدمے میں مبتلا کر دیا ہے، اور لوگ اس افسوسناک واقعے پر دکھ اور افسوس کا اظہار کر رہے ہیں۔
