راولپنڈی کے تھانہ پیرودھائی پولیس نے بروقت کارروائی کرتے ہوئے 19 سالہ نوجوان سے مبینہ زیادتی کے مقدمے میں دو ملزمان کو گرفتار کر لیا ہے۔
پولیس کے مطابق، متاثرہ نوجوان کو بہانے سے دفتر بلایا گیا جہاں اسے مبینہ طور پر زیادتی کا نشانہ بنایا گیا۔ واقعے کی اطلاع ملنے کے بعد پولیس نے فوری طور پر مقدمہ درج کیا اور ملزمان کو حراست میں لے لیا۔ پولیس کے مطابق، متاثرہ نوجوان کا میڈیکل پراسیس جاری ہے اور شواہد جمع کیے جا رہے ہیں۔ ایس پی راول سعد ارشد نے کہا ہے کہ ملزمان کے خلاف ٹھوس شواہد کے ساتھ چالان عدالت میں پیش کیا جائے گا اور انہیں قانون کے مطابق سزا دلائی جائے گی۔ پولیس کے بروقت کارروائی اور متاثرہ نوجوان کو انصاف دلانے کے عزم کے باعث علاقے میں سیکیورٹی اور قانون کی عملداری کا مظاہرہ کیا گیا ہے۔
