پاکستان اسٹیل پلانٹ سے مشینری کے پرزہ جات کی بڑی چوری

پاکستان اسٹیل کے پلانٹ سے مشینری اور پرزہ جات کی چوری کا سلسلہ شدت اختیار کر گیا ہے۔

 تازہ واقعے میں 3,600 کلو گرام مشینری کے پرزہ جات چوری ہوئے۔اسٹیل ٹاؤن پولیس نے چوری شدہ اسکریپ اور پرزہ جات لے جانے والے ڈمپر کو پکڑ لیا اور ملوث ڈرائیور سمیت 4 افراد کو حراست میں لے لیا۔ پولیس کے مطابق ڈمپر لوڈر بھر بھر کر قیمتی پرزہ جات کی چوری کا سلسلہ جاری رکھتا رہا ہے۔پولیس نے مزید کارروائی کے لیے تحقیقات شروع کر دی ہیں تاکہ دیگر ملوث افراد کو بھی گرفتار کیا جا سکے اور پلانٹ کی سیکیورٹی سخت کی جا سکے۔