بلڈ پریشر کی دوائیوں کے ساتھ بروفین کا استعمال صحت کے لیے خطرناک ثابت ہو سکتا ہے، کیونکہ ان دونوں ادویات کا امتزاج گردوں پر شدید اثر ڈال سکتا ہے اور پانی کی کمی پیدا کر سکتا ہے۔
طبی ماہرین کے مطابق، اگر آپ بلڈ پریشر کی دوائیوں کا استعمال کر رہے ہیں تو بروفین لینے سے پہلے اپنے ڈاکٹر سے مشورہ کرنا بہت ضروری ہے۔اس کی وجہ یہ ہے کہ بروفین جسم میں پروسٹیگلینڈن نامی ہارمون کی سطح کو کم کرتا ہے، جو کہ گردوں کے لیے خون کے بہاؤ میں مددگار ہوتا ہے۔ اس کے نتیجے میں کچھ افراد میں گردوں کی کارکردگی پر برا اثر پڑ سکتا ہے، جس سے گردے پر اچانک چوٹ آنا، پیشاب کی مقدار میں کمی یا زیادتی، اُلٹی، ٹانگوں میں سوجن، پیٹ میں درد یا کمر کے درمیان درد جیسے علامات ظاہر ہو سکتی ہیں۔
اس لیے، بروفین اور بلڈ پریشر کی دوائیوں کو ایک ساتھ استعمال کرنے کی صورت میں، ڈاکٹر کی نگرانی ضروری ہوتی ہے تاکہ آپ کے گردوں کی حالت اور بلڈ پریشر کی سطح کو باقاعدگی سے چیک کیا جا سکے۔ عام طور پر ڈاکٹر بروفین اور بلڈ پریشر کی دوائیوں کو ایک ساتھ تجویز نہیں کرتے، لیکن اگر کسی مریض کو ان دونوں کا استعمال ضروری ہو تو بروفین کو صرف چند دنوں کے لیے اور ڈاکٹر کی نگرانی میں استعمال کرنا چاہیے۔
