پنجاب اسمبلی کی خالی نشست پر انتخاب آج ہوگا

 لاہور(آئی این پی )پنجاب اسمبلی کی ایک خالی نشست پر انتخاب آج پیر کو منعقد ہوگا، جس میں حکومتی اتحاد کو اپوزیشن کے مقابلے میں واضح عددی برتری حاصل ہے۔ اسمبلی کی مجموعی 371نشستوں میں سے اس وقت 2نشستیں خالی ہیں، جبکہ ووٹنگ کے اہل ارکان کی تعداد 369ہے۔عددی لحاظ سے مسلم لیگ(ن)  اس وقت ایوان کی سب سے بڑی جماعت ہے جس کے پاس 229ووٹ ہیں۔ ان کے ساتھ پاکستان پیپلز پارٹی کے 16، مسلم لیگ (ق )کے 11، مسلم لیگ ضیاء کا ایک، اور سنی اتحاد کونسل کے 75 ووٹ بھی شامل ہیں۔ اس طرح حکومتی اتحاد کے ووٹوں کی مجموعی تعداد 261 بنتی ہے۔ ادھر اپوزیشن کی صفوں میں استحکام پاکستان پارٹی کے 7، آزاد ارکان کے 28، تحریک لبیک پاکستان اور مجلس وحدت مسلمین کے ایک، ایک جبکہ دیگر اپوزیشن جماعتوں کے ملا کر ووٹوں کی کل تعداد 108 ہے۔پنجاب اسمبلی میں کسی بھی امیدوار کی کامیابی کے لیے 184.5 ووٹ درکار ہوتے ہیں، اس لیے حکومتی اتحاد کو اس نشست پر واضح سبقت حاصل ہے اور ان کا امیدوار بھاری اکثریت سے کامیابی حاصل کر سکتا ہے۔