ڈالر 250 روپے سے نیچے آنے کے قوی امکانات ہیں: ملک بوستان

ڈالر کے مقابلے میں روپے کی حقیقی قدر 250 روپے سے بھی کم ہے:چیئرمین ای سی اے پی 
کراچی (آئی این پی )ایکسچینج کمپنیز ایسوسی ایشن آف پاکستان (ای سی اے پی)  کے چیئرمین ملک بوستان نے کہا ہے کہ پاک فوج کی جانب سے تیار کردہ جے ایف 17 لڑاکا طیاروں کی درآمد میں 15 ممالک کی دلچسپی کے باعث امریکی ڈالر پاکستانی روپے کے مقابلے میں نمایاں طور پر کم ہو سکتا ہے۔ایک ٹی وی پروگرام میں گفتگو کرتے ہوئے ملک بوستان کا کہنا تھا کہ ڈالر کے 250 روپے سے نیچے آنے کے قوی امکانات ہیں ۔ای سی اے پی چیئرمین کے مطابق روپے کی قدر میں بہتری کی متعدد وجوہات ہیں۔انہوں نے روپے کی موجودہ استحکام کو عارضی قرار دینے کے دعوئوں کو مسترد کرتے ہوئے کہا کہ ڈالر کے مقابلے میں روپے کی حقیقی قدر 250 روپے سے بھی کم ہے