لاہور، پولیس حراست میںہلاک خواتین علاقہ مکینوں سے تکرار کرتی رہیں

 پولیس کے پہنچنے سے قبل نکلنے کی کوشش،تھانے جانے سے قبل کی ویڈیو انکوائری کا حصہ بنا دی گئی
لاہور(کرائم رپورٹر )لاہورمیں  ٹائو ن شپ پولیس کی حراست میں دو خواتین کی ہلاکت کے معاملے پر دونوں خواتین کی پولیس حراست میں جانے سے قبل کی ویڈیو سامنے آگئی۔ویڈیو میں دیکھا جا سکتا ہے کہ دونوں خواتین ٹائو ن شپ بی بلاک میں علاقہ مکینوں سے تکرار کرتی رہیں، علاقہ مکین مبینہ طور پر واردات میں ہتھیائی گئی رقم کا مطالبہ کرتے رہے۔خواتین نے پولیس کے پہنچنے سے قبل جائے وقوعہ سے نکلنے کی کوشش کی۔پولیس کے مطابق موبائل ویڈیو معاملے کی انکوائری کا حصہ بنا دی گئی، خواتین کی ہلاکت کی انکوائری ضابطہ فوجداری کے تحت جاری ہے اور انکوائری مکمل ہونے پر تمام شواہد سامنے لائے جائیں گے۔