زحل کے چاند اینسیلاڈس پر زندگی کیلئے ضروری عناصر مل گئے،سائنسدان

ہیوسٹن(آئی این پی )سائنسدانوں نے کہا ہے کہ زحل کے چاند اینسیلاڈس میں وہ تمام بنیادی عناصر موجود ہیں جو زندگی کے لئے  ضروری سمجھے جاتے ہیں۔سائنسدانوں نے ناسا کے کاسی نی خلائی جہاز کے 2008 کے قریب سفر کے دوران جمع کی گئی معلومات کا دوبارہ تجزیہ کیا، جس میں اینسیلاڈس کے جنوبی قطب سے پھوٹنے والے آبشار نما برف اور پانی کے چٹانوں کے نمونے شامل تھے۔نئے شواہد بتاتے ہیں کہ ان نمونوں میں پہلے معلوم نامیاتی مالیکیولز کے علاوہ مزید پیچیدہ کاربن پر مشتمل اجزا بھی پائے گئے ہیں، جو امینو ایسڈ جیسے ساختی اجزا کی تیاری کے پیش خیمے ہوسکتے ہیں