بسنت کے دوسرے روز بھی موچی گیٹ اور اندرونِ شہر کے مختلف علاقوں میں پتنگ اور ڈور کی خریداری کے لیے شہریوں کا رش برقرار رہا۔
بڑی تعداد میں لوگ بسنت منانے کے لیے بازاروں کا رخ کرتے دکھائی دیے۔شہری آج بھی سستے داموں پتنگ اور ڈور کی تلاش میں سرگرداں نظر آئے، تاہم مہنگائی کے باعث کئی خریدار مکمل سامان خریدنے کے بجائے صرف دھاگہ خریدنے پر مجبور ہو گئے۔شہریوں نے ڈور کی بڑھتی ہوئی قیمتوں پر شدید تشویش کا اظہار کیا اور کہا کہ بسنت کا شوق اب مہنگا پڑنے لگا ہے۔ مارکیٹ میں آج بھی ڈور کی قیمت 34 ہزار سے 40 ہزار روپے فی پنا تک رہی، جس کے باعث متوسط طبقے کے لیے بسنت منانا مشکل ہوتا جا رہا ہے۔
