پنجاب میں تاریخ میں پہلی بار میرٹ بیسڈ پر ہیڈ ٹیچرز کی تعیناتی کے عمل کا آغاز ہوگیا۔ اس سلسلے میں ٹیسٹ میں کامیاب امیدواروں کے انٹرویوز شروع کر دیے گئے ہیں۔
انٹرویوز کی تفصیلات
سیکرٹری اسکول ایجوکیشن پنجاب خالد نذیر ووٹو نے خود 289 امیدواروں کے انٹرویو لیے۔لاہور میں ہیڈز کی خالی آسامیوں کے لیے 201 امیدواروں کے انٹرویوز کیے جا رہے ہیں۔جبکہ 88 امیدواروں کے انٹرویو قصور اور ننکانہ صاحب میں ہیڈز کی تعیناتی کے لیے کیے جائیں گے۔انٹرویو پینل میں سی ای او ایجوکیشن نذیر حسین، وحید رضا اور محمد عارف بھی شامل ہیں۔
ایک ہفتے میں اپوائنٹمنٹ لیٹرز جاری ہوں گے
خالد نذیر ووٹو نے بتایا کہ انٹرویو میں کامیاب امیدواروں کو ایک ہفتے کے اندر اپوائنٹمنٹ لیٹر جاری کر دیے جائیں گے۔
میرٹ پر تعیناتی کا مقصد
سیکرٹری ایجوکیشن نے کہا:"ہیڈ ٹیچرز کی تعیناتی مکمل میرٹ پر کی جا رہی ہے تاکہ بچوں کو معیاری تعلیم فراہم کی جا سکے اور تعلیمی اداروں کی کارکردگی کو بہتر بنایا جا سکے۔"یہ اقدام پنجاب کے تعلیمی شعبے میں شفافیت اور میرٹ کو فروغ دینے کے حوالے سے ایک تاریخی پیش رفت قرار دیا جا رہا ہے۔
