بڑھتی فضائی آلودگی کے باعث آن لائن ٹیکسی سروس کا بڑا حصہ ای ٹیکسی پر منتقل کیا جائیگا
آسان اقساط پر ٹیکسی کیلئے الیکٹرک گاڑیوں کی فراہمی کی جائیگی‘پٹرول کی 40فیصد بچت ہوگی
لاہور(سپیشل رپورٹر)بے روزگار افراد اور آن لائن ٹیکسی سروس سے وابستہ افراد کے لیے بڑی خوشخبری، پنجاب حکومت نے ای ٹیکسی سکیم متعارف کروانے کا فیصلہ کر لیا۔تفصیلات کے مطابق پنجاب حکومت نے صوبے میں ای ٹیکسی سروس متعارف کروانے کا فیصلہ کیا ہے تاکہ بڑھتی فضائی آلودگی کے پیش نظر آن لائن ٹیکسی سروس کا بڑا حصہ ای ٹیکسی پر منتقل کیا جائیگا۔ذرائع کا کہنا ہے آن لائن ٹیکسی کے لیے الیکٹرک گاڑیوں کی فراہمی کی سکیم لائی جارہی ہے،آن لائن ٹیکسی ڈرائیورز کو پر کشش پیکج پر الیکٹرک گاڑیاں فراہم کی جائیں گی ،الیکٹرک گاڑیوں کی ڈائون پیمنٹ یا آسان اقساط پر آن لائن ٹیکسی کے لیے الیکٹرک گاڑیوں کی فراہمی کی جائیگی،الیکٹرک ٹیکسی سروس سے نہ صرف فضائی آلودگی میں کمی آئیگی بلکہ ڈرائیورز کو معاشی فائدہ بھی ہوگا۔ڈرائیورز کو پیٹرول کی مد چالیس فیصد تک بچت ہوگی، فیصلہ پنجاب میں آن لائن ٹیکسی کے بڑھتے استعمال کے پیش نظر کیا گیا ہے۔
