لاہور: تھانہ باٹا پور پولیس نے بیوی کے قتل میں ملوث اشتہاری مجرم شوہر کو گرفتار کرلیا۔
پولیس کے مطابق ملزم نے ناجائز تعلقات کے شبہ پر اپنی بیوی ایشا کو کیبل کی تار سے گلا دبا کر قتل کیا تھا، جس کے بعد وہ فرار ہوکر روپوش ہوگیا تھا۔تفصیلات کے مطابق انچارج انویسٹی گیشن تھانہ باٹا پور محمد صدیق نے بتایا کہ ملزم اپنی بیوی کے قتل کے بعد سے پولیس کو مطلوب تھا۔ پولیس نے ملزم کی گرفتاری کے لیے تفتیش جاری رکھی اور بالآخر پیشہ ورانہ مہارت اور ہیومن انٹیلیجنس کی مدد سے اسے گرفتار کرلیا۔
قتل کے بعد ملزم روپوش ہوگیا تھا
پولیس حکام کے مطابق ملزم نے اپنی بیوی ایشا کو ناجائز تعلقات کے شبہ کی بنیاد پر قتل کیا تھا۔ واردات میں کیبل کی تار استعمال کیے جانے کا انکشاف ہوا ہے۔ واقعے کے بعد ملزم گرفتاری سے بچنے کے لیے روپوش ہوگیا تھا اور اسے اشتہاری مجرم قرار دیا گیا تھا۔
