ملک میں 15 ماہ میں 2108بچے ا یچ آئی وی کا شکار

متاثرہ بچوں میں 1 ہزار 274 لڑکے اور 834 لڑکیاں شامل ہیں:حکام
اسلام آباد(آئی این پی ) ملک میں  15 ماہ کے دوران 2 ہزار 108 بچوں میں ایچ آئی وی کی تشخیص ہوئی ہے ۔   وفاقی وزارتِ صحت کامن مینجمنٹ یونٹ کی جانب سے جاری اعدادوشمار کے مطابق متاثرہ بچوں میں 1 ہزار 274 لڑکے اور 834 لڑکیاں شامل ہیں۔حکام کا کہنا ہے کہ سندھ سب سے زیادہ متاثر ہونے والا صوبہ ہے جہاں 15 ماہ میں 1 ہزار 515 بچوں میں ایچ آئی وی کی تشخیص ہوئی۔حکام کے مطابق سندھ میں 2025 کے دوران 1ہ زار 186جب کہ 2026 کے پہلے 3 ماہ میں مزید 329 بچے متاثر ہوئے اور 2025 میں دوسرے نمبر پر پنجاب رہا جہاں 418 بچے ایچ آئی وی سے متاثر ہوئے۔حکام کا کہنا ہے کہ خیبر پختونخوا رہا جہاں111 بچے ایچ آئی وی سے متاثر ہوئے، جن میں سے 90 کیسز 2025 میں رپورٹ ہوئے اور21 کیسز 2026 کے پہلے 3 ماہ کے دوران رپورٹ ہوئے۔حکام کے مطابق بلوچستان میں 38 بچے ایچ آئی وی سے متاثر ہوئے، جن میں سے 33 کیسز 2025 میں اور 5 کیسز 2026 کے پہلے 3 ماہ کے دوران رپورٹ ہوئے۔حکام نے مزید بتایا کہ اسلام آباد میں 22 بچے ایچ آئی وی سے متاثر ہوئے، جن میں سے 17 کیسز 2025 میں رپورٹ ہوئے اور 5 کیسز 2026 میں رپورٹ ہوئے۔حکام کے مطابق آزاد کشمیر میں 3 اور گلگت بلتستان میں 1 بچے میں ایچ آئی وی کی تشخیص ہوئی۔