پولیس اہلکار میاں بیوی کا 9 سالہ معصوم گھریلو ملازمہ پر وحشیانہ تشدد

 ظالموں نے بچی ایمان فاطمہ کو  ڈنڈوں سے مارا اور جسم پر گرم سریا لگایا ، بار بار منت سماجت کرتی رہی لیکن ذرا بھی رحم نہیں کیا:والدین
 شیخوپورہ(آئی این پی )شیخوپورہ کے علاقے گجر ٹان میں انسانیت سوز واقعہ پیش آیا ہے جہاں پولیس ملازمین میاں بیوی کی جانب سے 9 سالہ معصوم گھریلوملازمہ ایمان فاطمہ پر مبینہ طور پر شدید تشدد کیے جانے کا انکشاف ہوا ہے۔متاثرہ بچی کے والدین نے الزام عائد کیا ہے کہ ملزمان نے ان کی معصوم بیٹی پر وحشیانہ تشدد کرتے ہوئے اسے ڈنڈوں سے مارا اور جسم پر گرم سریا لگایا گیا۔متاثرہ بچی ایمان فاطمہ کا ویڈیو بیان بھی سامنے آ گیا ہے جس میں اس نے روتے ہوئے بتایا کہ وہ ملزمان کے سامنے بار بار منت سماجت کرتی رہی لیکن انہوں نے ذرا بھی رحم نہیں کیا۔ بچی کے مطابق ہمسایوں نے بروقت مداخلت کرکے اس کی جان چھڑائی اور پولیس کو اطلاع دی۔والدین نے مزید انکشاف کیا ہے کہ پولیس نے مقدمہ تو درج کر لیا ہے لیکن ایف آئی آر میں بازو ٹوٹنے کی سنگین دفعات شامل نہیں کی گئیں، جبکہ ملزمان کی جانب سے صلح کے لیے شدید دبا ڈالا جا رہا ہے۔والدہ کا کہنا ہے کہ ملزمان نے دھمکاکری زبردستی بچی کے والد سے اسٹامپ پیپر پر انگوٹھے بھی لگوائے ہیں۔متاثرہ بچی کے والدین نے اعلی حکام سے فوری نوٹس لینے اور ملزمان کی جانب سے دی جانے والی دھمکیوں کے خلاف تحفظ فراہم کرتے ہوئے عادلانہ انصاف کا مطالبہ کیا ہے۔