لاہور کے دو مختلف علاقوں، ہئیر اور کاہنہ میں فائرنگ کے واقعات میں دو افراد کو قتل کر دیا گیا۔
کاہنہ واقعہ:
پولیس کے مطابق، پہلا واقعہ کاہنہ میں پیش آیا جہاں سرور نامی شخص کو گھر کی چھت پر سوتے ہوئے فائرنگ کا نشانہ بنایا گیا۔ نامعلوم ملزمان نے سرور کو سر پر دو گولیاں ماریں، جس کے باعث وہ موقع پر ہی دم توڑ گیا۔ پولیس نے شواہد اکٹھے کر کے تحقیقات شروع کر دی ہیں۔
ہئیر واقعہ:
دوسرا واقعہ ہئیر میں پیش آیا جہاں ایک سینٹری شاپ کے سیکیورٹی گارڈ، مصطفیٰ خان کو موٹر سائیکل سوار ملزمان نے گولی مار کر قتل کر دیا۔ فائرنگ کے بعد ملزمان موقع سے فرار ہو گئے۔
پولیس نے دونوں مقتولین کی لاشیں پوسٹ مارٹم کے لیے اسپتال منتقل کر دی ہیں جبکہ جائے وقوعہ سے شواہد اکٹھے کر کے ملزمان کی تلاش کے لیے کارروائی جاری ہے۔
پولیس حکام کا کہنا ہے کہ ملزمان کو جلد گرفتار کر لیا جائے گا۔
