ویسٹ انڈیز نے پہلے ٹیسٹ میچ میں شاندار کارکردگی کا مظاہرہ کرتے ہوئے بنگلادیش کو 8 وکٹوں سے شکست دے دی اور دو میچوں کی سیریز میں 0-1 کی برتری حاصل کرلی۔
میرپور، ڈھاکا کے شیر بنگلہ نیشنل اسٹیڈیم میں کھیلے گئے میچ میں بنگلادیش نے ویسٹ انڈیز کو کامیابی کے لیے 170 رنز کا ہدف دیا، جسے مہمان ٹیم نے صرف 2 وکٹوں کے نقصان پر حاصل کرلیا۔ویسٹ انڈیز کی جانب سے برینڈن کنگ نے ذمہ دارانہ اور جارحانہ بیٹنگ کا مظاہرہ کرتے ہوئے ناقابلِ شکست 81 رنز بنائے، جبکہ کیون ہوج 31 رنز کے ساتھ ناٹ آؤٹ رہے۔ دونوں نے ٹیم کو فتح سے ہمکنار کیا۔ہدف کے تعاقب میں برینڈن کنگ اور جان کیمبل نے پہلی وکٹ کے لیے 112 رنز کی اہم شراکت قائم کی۔ کیمبل 49 رنز بنا کر آؤٹ ہوئے، جبکہ بعد میں کیمبل کی وکٹ کے ساتھ ویسٹ انڈیز نے ایک اور وکٹ بھی گنوائی، تاہم کنگ اور ہوج نے مزید کوئی نقصان نہ ہونے دیا۔میچ کے دوران بارش، خراب روشنی اور آسمانی بجلی کے باعث کھیل متعدد مرتبہ روکنا پڑا، لیکن ویسٹ انڈیز کے بلے بازوں نے ہدف کے تعاقب میں اپنی گرفت برقرار رکھی۔
اس سے قبل بنگلادیش کی ٹیم دوسری اننگز میں 142 رنز بنا کر آؤٹ ہوگئی۔ دن کا کھیل شروع ہونے پر میزبان ٹیم کا اسکور 6 وکٹوں کے نقصان پر 79 رنز تھا۔ نعیم حسن نے مزاحمت کرتے ہوئے 52 رنز کی نصف سنچری اسکور کی، تاہم وہ ٹیم کو بڑا ہدف دینے میں کامیاب نہ ہوسکے۔ویسٹ انڈیز کے کپتان روسٹن چیز نے شاندار بولنگ کرتے ہوئے 36 رنز کے عوض 5 وکٹیں حاصل کیں اور اسی دوران ٹیسٹ کرکٹ میں اپنی 100 وکٹیں بھی مکمل کرلیں۔ جومیل واریکن نے 4 کھلاڑیوں کو آؤٹ کیا۔جومیل واریکن نے میچ میں مجموعی طور پر 9 وکٹیں حاصل کیں، جس پر انہیں بہترین کھلاڑی قرار دیا گیا۔
