جمعیت علمائے اسلام کی قومی اسمبلی میں مخصوص نشست کا کیس آئینی عدالت میں سماعت کیلیے مقرر

اسلام آباد (آئی این پی)وفاقی آئینی عدالت  نے جمعیت علما اسلام کی قومی اسمبلی میں خاتون کی مخصوص نشست کی نامزدگی سے متعلق کیس سماعت کیلئے مقرر کردیا۔چیف جسٹس امین الدین خان کی سربراہی میں دو رکنی بنچ 29 اکتوبر کو سماعت کرے گا، جسٹس علی باقر نجفی دو رکنی بنچ کا حصہ ہونگے ۔وفاقی آئینی عدالت نے مقدمے کے فریقین کو نوٹس جاری کر دیا، جمعیت علما اسلام نے صدف یاسمین کو مخصوص نشست کیلئے نامزد کیا تھا۔صدف یاسمین کے کاغذات نامزدگی جمع نہ کرانے پر حنا بی بی نے رکن منتخب ہونا تھا، الیکشن کمیشن نے حنا بی بی کے بجائے صدف احسان کا نوٹیفکیشن جاری کردیا۔جمعیت علما اسلام نے صدف احسان کا نوٹیفکیشن چیلنج کر رکھا ہے۔