لیونل میسی نے 4منٹ میں 2 گول کر کے انٹر میامی کو فتح دلوا دی

میامی (سپورٹس ڈیسک) لیونل میسی کی شاندار کارکردگی اور صرف 4 منٹ کے اندر 2 گولز کی بدولت انٹرمیامی نے اٹلانٹا یونائیٹڈ کو 1-3 سے شکست دے کر میجر لیگ ساکر میں مسلسل تیسری فتح حاصل کر لی ہے۔ اٹلانٹا کے اسی اسٹیڈیم میں جہاں جولائی میں لیونل میسی نے ارجنٹائن کو ورلڈ کپ کے سیمی فائنل میں انگلینڈ کے خلاف فتح دلانے میں مدد کی تھی، میسی نے ایک بار پھر اپنے مداحوں کے دل جیت لیے۔ میچ کے 56 ویں منٹ میں جرمین برٹیرامے کے پاس پر میسی نے اٹلانٹا کے دفاع کو چھکاتے ہوئے بائیں پاں سے شاندار گول کر کے ٹیم کی برتری 0-2 کر دی۔ اس کے بعد 60 ویں منٹ میں میسی نے لوئس سواریز کے پاس کو گرفت میں لیتے ہوئے جونیئر الونسو کو چکمہ دیا اور اٹلانٹا کے گول کیپر لوکاس ہوئوس کو مات دے کر اپنا دوسرا اور ٹیم کا تیسرا گول داغا۔ ارجنٹائن ٹیم سے جذباتی الوداعی کے بعد میسی کے 3 میچوں میں اب 4 گولز ہو چکے ہیں۔ 39 سالہ سپر اسٹار لیونل میسی ایم ایل ایس ٹاپ اسکوررز کی فہرست میں 25 گولز کے ساتھ سب سے پہلے نمبر پر موجود ہیں۔