طالبان رجیم مخالف حملوں میں تیزی، 10 سے زائد طالبان اہلکار ہلاک

بگرام ملٹری ایئرفیلڈ میں طالبان کے فوجی اور تربیتی کیمپوں پر حملے کیے گئے :افغان فریڈم فرنٹ 
کابل(آئی این پی )قابض طالبان رجیم کے خلاف پیدر پے حملوں نے اس کے نام نہاد امن و امان کے دعوئوں کی دھجیاں اڑا دیں۔طالبان مخالف مسلح گروپ افغان فریڈم فرنٹ نیایکس پردعوی کیا کہ بگرام ملٹری ایئرفیلڈ میں طالبان کے فوجی مراکز اور تربیتی کیمپوں پر راکٹ حملے کیے گئے ہیں۔انٹیلی جنس معلومات کی بنیاد پر مربوط کارروائی میں طالبان رجیم کو جانی و مالی نقصان پہنچا ، بگرام ایئرفیلڈ پرراکٹ حملے میں 10 سے زائد طالبان اہلکار ہلاک یا زخمی ہوئے۔افغان جریدے کابل ناو کے مطابق افغان فریڈم فرنٹ نے متعدد حملوں کی ذمہ داری قبول کی، جن میں سینکڑوں طالبان اہلکاروں کی ہلاکت کا دعوی بھی کیا گیا۔