لاہور: نشتر پارک سپورٹس کمپلیکس اور اس کے اطراف کے علاقوں میں بوندا باندی کے باعث سری لنکن کرکٹ ٹیم کا ٹریننگ کیمپ متاثر ہوا، جبکہ ایل سی سی اے گراؤنڈز میں کھلاڑیوں کی نیٹ پریکٹس بھی روک دی گئی۔
بوندا باندی کے باعث گراؤنڈ میں پریکٹس کا سلسلہ جاری رکھنا مشکل ہوگیا، جس پر گراؤنڈ اسٹاف نے احتیاطی اقدامات کرتے ہوئے پچز کو کور کر دیا تاکہ انہیں نمی اور بارش سے محفوظ رکھا جا سکے۔بارش کے باعث سری لنکن کھلاڑیوں کی تیاریوں میں خلل پڑا اور نیٹ پریکٹس کا معمول متاثر ہوا۔ ٹریننگ سیشن کے دوران موسم کی صورتحال کے پیش نظر پچز کی حفاظت کو ترجیح دی گئی۔کرکٹ میں پچ کی صورتحال اور موسم پریکٹس کے لیے اہمیت رکھتے ہیں، کیونکہ نمی اور گیلی سطح کھلاڑیوں کی ٹریننگ اور نیٹ پریکٹس کو متاثر کر سکتی ہے۔
