وزیراعلیٰ پنجاب مریم نواز نے آج تمام فائر سسٹمز کا آڈٹ کرنے کا اعلان کیا ہے۔ مریم نواز نے کہا کہ اس اقدام کے ذریعے نئے ایس او پیز تیار کیے جائیں گے اور فائر سیفٹی سسٹمز کو مضبوط بنایا جائے گا۔
وزیراعلیٰ نے مزید کہا کہ آڈٹ کا دائرہ سرکاری دفاتر، اسپتال، سکولز اور نجی اداروں تک ہوگا، خاص طور پر وہ جگہیں جہاں شارٹ سرکٹ یا دیگر آگ لگنے کے خدشات موجود ہیں۔ اس کا مقصد یہ ہے کہ آگ کے خطرات کو بروقت پہچان کر روکنے کے اقدامات کیے جائیں۔یہ اعلان پنجاب حکومت کی جانب سے فائر سیفٹی کے معیار کو بہتر بنانے اور انسانی جانوں کے تحفظ کو یقینی بنانے کے لیے اٹھایا گیا ایک اہم قدم سمجھا جا رہا ہے۔
