ہانیہ عامر کو میں نے متعارف کرایا‘ اداکارہ حریم فاروق

ہانیہ عامر نے 2016 میں کامیڈی فلم جاناں سے اداکاری کا آغاز کیا تھا
لاہور (شوبز ڈیسک)اداکارہ اور فلم ساز حریم فاروق نے دعوی کیا ہے کہ میں نے ہانیہ عامر کو پہلا موقع دیا تھا۔ایک حالیہ انٹرویو کے دوران میزبان نے حریم فاروق سے پوچھا کہ کیا آپ نے ہانیہ عامر کو متعارف کرایا تھا؟ اس پر اداکارہ نے جواب دیا کہ بالکل، میں نے ہی انہیں متعارف کرایا تھا۔حریم فاروق نے کہا ہے کہ لوگ اکثر مجھ سے پوچھتے ہیں کہ کیا میں پہلی مرتبہ فلم پروڈیوس کر رہی ہوں، لیکن ایسا نہیں ہے۔ انہوں نے ہانیہ عامر کی صلاحیتوں کو سراہتے ہوئے کہا ہے کہ ہانیہ کو بلندیوں تک پہنچنا تھا، میں نے انہیں ابتدا ہی میں پہچان لیا تھا۔واضح رہے کہ ہانیہ عامر نے 2016 میں کامیڈی فلم جاناں سے اداکاری کا آغاز کیا تھا، اس وقت وہ یونیورسٹی میں زیرِ تعلیم تھیں۔حریم فاروق اس فلم کی شریک پروڈیوسر تھیں اور انہوں نے اس میں مختصر کردار بھی ادا کیا تھا، ہانیہ عامر کالج کے زمانے میں اپنی ڈب میش ویڈیوز کے باعث بھی مقبول ہوئی تھیں۔