اسلام آباد:الیکشن کمیشن آف پاکستان نے بانی پاکستان تحریک انصاف (پی ٹی آئی) عمران خان کے خلاف توہین الیکشن کمیشن کیس کی سماعت 17 دسمبر کو مقرر کر دی ہے۔
اس سماعت کے دوران شواہد ریکارڈ کیے جائیں گے۔اس کیس میں عمران خان پر الزام ہے کہ انہوں نے الیکشن کمیشن کے خلاف توہین آمیز بیانات دیے تھے۔ اس سے قبل، الیکشن کمیشن نے عمران خان کو ہدایت کی تھی کہ وہ 17 دسمبر کو وڈیو لنک کے ذریعے سماعت میں شرکت کو یقینی بنائیں۔گزشتہ سماعت میں، الیکشن کمیشن نے کہا تھا کہ آئندہ سماعت پر شواہد اور گواہوں کے بیانات ریکارڈ کیے جائیں گے۔ اس کیس میں سابق وزیراعظم عمران خان کے خلاف کارروائی کی جا رہی ہے، جس میں ان پر الزام ہے کہ انہوں نے الیکشن کمیشن کے فیصلوں اور اقدامات کے خلاف غیر مناسب اور توہین آمیز تبصرے کیے ہیں۔الیکشن کمیشن کی جانب سے یہ کارروائی اس لیے کی گئی تاکہ آئین اور قانون کے مطابق اداروں کی عزت کا تحفظ کیا جا سکے اور کسی بھی ادارے کے خلاف توہین کو روکنے کے لیے ضروری اقدامات کیے جا سکیں۔
