بلاول بھٹو سے اہم سیاسی رہنماؤں کی ملاقات، ملکی صورتحال پر تبادلہ خیال

اسلام آباد( آن لائن ( پاکستان پیپلزپارٹی کے چیئرمین بلاول بھٹو زرداری سے اہم سیاسی رہنماؤں اور پارٹی کے مرکزی عہدیداروں نے زرداری ہاؤس میں ملاقات کی، جس کے دوران ملک کی مجموعی سیاسی صورتحال اور باہمی دلچسپی کے امور پر تبادلہ خیال کیا گیا۔ملاقات میں چیئرمین سینیٹ سید یوسف رضا گیلانی، گورنر پنجاب سردار سلیم حیدر، گورنر خیبرپختونخوا فیصل کریم کنڈی، وزیراعلیٰ سندھ سید مراد علی شاہ، وزیراعلیٰ بلوچستان سرفراز بگٹی اور وزیراعلیٰ گلگت بلتستان امجد ایڈووکیٹ شریک ہوئے۔اس موقع پر پاکستان پیپلزپارٹی پارلیمنٹیرینز کی نائب صدر سینیٹر شیری رحمان، پیپلزپارٹی پنجاب کے صدر راجہ پرویز اشرف اور رکن قومی اسمبلی سید نوید قمر بھی موجود تھے