گوادر پورٹ سے حاصل آمدنی میں بلوچستان کا کوئی حصہ نہیں: انتظامیہ

 پورٹ کا آپریشنل انتظام چین کی کمپنی کے پاس ہے،بلوچستان حکومت کو مراسلے کامتن 
 وزیراعلیٰ بلوچستان میر سرفراز بگٹی کی معاملہ وفاقی حکومت کے سامنے اٹھانے کی یقین دہانی 
کوئٹہ (آئی این پی )گوادر پورٹ اتھارٹی کی جانب سے حکومت بلوچستان کو کہا گیا ہے کہ گوادر پورٹ سے حاصل آمدنی میں بلوچستان کا کوئی حصہ نہیں ہے۔ میڈیارپورٹ کے مطابق گوادر پورٹ اتھارٹی کے مراسلے میں کہا گیا ہے کہ گوادر پورٹ کا آپریشنل انتظام چین کی کمپنی کے پاس ہے۔ مراسلے کے متن کے مطابق بندرگاہ کے 2آپریٹنگ ادارے گوادر پورٹ اتھارٹی کو 9، 9 فیصد آمدنی دے رہے ہیں، ایک ادارہ اپنی آمدنی کا 15 فیصد گوادر پورٹ اتھارٹی کو دے رہا ہے ۔ وزیراعلی بلوچستان میر سرفراز بگٹی نے معاملہ وفاقی حکومت کے سامنے اٹھانے کی یقین دہانی کرائی ہے۔