لاہور (کرائم رپورٹر) اینٹی نارکوٹکس فورس نے ملک کے مختلف شہروں میں منشیات اسمگلنگ کے خلاف نو کارروائیوں کے دوران ایک خاتون سمیت 10 ملزمان کو گرفتار کرکے مجموعی طور پر 302.49 کلوگرام منشیات برآمد کر لی۔ ترجمان اے این ایف کے مطابق کچلاک بائی پاس کے قریب کارروائی میں 210 کلوگرام مارفین برآمد کی گئی۔ پشاور کی یونیورسٹی روڈ پر بی آر ٹی اسٹاپ کے قریب ایک گاڑی کے خفیہ خانوں سے 26.4 کلوگرام چرس برآمد کرکے ایک ملزم کو گرفتار کیا گیا۔ بورے والا میں 10.8 کلوگرام چرس اور 7.2 کلوگرام افیون، جبکہ اسلام آباد کے علاقے پنڈوریاں میں 9.6 کلوگرام چرس برآمد کرکے چار ملزمان کو گرفتار کیا گیا۔ لاہور کے قریب راوی ٹول پلازہ سے 9.6 کلوگرام چرس اور اسلام آباد موٹروے ٹول پلازہ سے 6.6 کلوگرام چرس برآمد کی گئی۔ لاہور ایئرپورٹ کے کارگو آفس میں آسٹریلیا بھیجے جانے والے 16 خواتین کے بیگز سے 11.290 کلوگرام آئس برآمد ہوئی۔ گوجرانوالہ میں جی ٹی روڈ پر قلعہ چندا کے قریب موٹر سائیکل سوار مرد اور خاتون سے چھ کلوگرام، جبکہ حیدرآباد میں سحرش نگر کے قریب ایک ملزم سے پانچ کلوگرام چرس برآمد کی گئی۔ گرفتار ملزمان کے خلاف انسدادِ منشیات ایکٹ 1997 کے تحت مقدمات درج کرکے تحقیقات شروع کر دی گئی ہیں۔
تازہ ترین
- دو ماہ سے والِٹ میں پڑے لاٹری ٹکٹ نے 10 لاکھ ڈالر کا انعام جتوا دیا
- وارن بفٹ 48 سال سے پانی کے بجائے کوکا کولا پی رہے ہیں
- فوٹو شوٹ کے دوران دلہن غباروں کیساتھ ہوا میں اڑتے اڑتے رہ گئی
- مہنگے فیشل کا آسان متبادل، گھر میں بنائیں یہ فیس پیک
- برطانوی جوڑے کو رکشے سے ایسی محبت ہوئی کہ اسے ساتھ ہی لے گئے
- ڈیرل مچل، وہ کیوی بیٹر جس نے بھارتی ٹیم کی نیندیں اڑا دیں
- امریکا: فٹبال میچ کے دوران آتش بازی، فوجی ہیلی کاپٹر حادثے سے بچ گیا
- بھارتی کرکٹر پریما راوت نے پاکستانی کپتان فاطمہ ثنا کا ریکارڈ توڑ دیا
- فٹبال میچ کے دوران تصادم، زخمی کھلاڑی دوران علاج انتقال کرگئے
- مرغیوں کا شوقین باز موٹاپے کا شکار ماہرین نے ڈائٹ شروع کروا دی
