شام میں بم دھماکا، 5بچوں سمیت 16 افراد جاںبحق ، 18 زخمی

 لطاکیا میں کباڑ کی دکان میں پڑا بم دھماکے سے پھٹ گیا،زخمیوں میں سے متعدد کی حالت تشویشناک
 دمشق (آئی این پی )شام کے شہر لطاکیہ میں بم دھماکے میں 16 افراد جاں بحق اور 15سے زائد زخمی ہوگئے۔غیر ملکی خبر رساں ا دارے کے مطابق شام کے شہر لطاکیا میں کباڑ کی دکان میں پڑا بم دھماکے سے پھٹ گیا، واقعے میں 16 افراد جاں بحق ہوگئے۔رپورٹ کے مطابق جاں بحق ہونے والوں میں 5 بچے بھی شامل ہیں، واقعے میں 18 افراد زخمی بھی ہوئے۔دھماکے کے بعد امدادی کارروائیاں شروع کردی گئیں، جاں بحق افراد کی لاشیں اور زخمیوں کو مقامی ہسپتال منتقل کردیا گیا، ہلاکتوں میں اضافے کا خدشہ ظاہر کیا جارہا ہے۔