ڈولفن و پی آر یو کی کارروائیاں، 8 مشتبہ و مطلوب گاڑیاں برآمد
لاہور (کرائم رپورٹر) ڈی آئی جی آپریشنز کی ہدایت پر صوبائی دارالحکومت میں جدید پولیسنگ اور ٹیکنالوجی کے مئوثر استعمال کے تحت 20 خصوصی غیر متحرک پوائنٹس قائم کر دیے گئے ہیں جہاں ڈولفن اسکواڈ اور پولیس ریسپانس یونٹ (PRU) کی 20 ٹیمیں دو شفٹوں میں تعینات ہیں۔ ترجمان ڈولفن کے مطابق سیف سٹی کیمروں سے موصول ہونے والے الرٹس اور کالز پر کارروائیاں کرتے ہوئے مختلف جرائم میں مطلوب 8 گاڑیاں برآمد کی گئی ہیں جن میں 4 جعلی نمبر پلیٹ، ایک چوری شدہ، ایک بلیک لسٹ اور 2 ٹیمپرڈ گاڑیاں شامل ہیں۔ ایس پی ڈولفن بلال احمد نے کہا کہ ٹیموں کی بروقت کارروائیوں کے باعث جرائم پیشہ عناصر کی نقل و حرکت پر مئوثر نظر رکھی جا رہی ہے جبکہ شہر کے حساس مقامات پر خصوصی ٹیمیں تعینات ہیں۔ انہوں نے بتایا کہ سیف سٹی الرٹس پر فوری رسپانس کے ذریعے مشتبہ اور مطلوب گاڑیوں کی فوری نشاندہی ممکن ہوئی ہے۔ برآمد شدہ گاڑیوں کو مزید قانونی کارروائی کے لیے متعلقہ تھانوں کے حوالے کر دیا گیا ہے جبکہ جدید سرویلنس اور فیلڈ فورس کے اشتراک سے جرائم کی روک تھام میں نمایاں بہتری آ رہی ہے۔
تازہ ترین
- پاکستان اور عمان کے درمیان تجارت و تعاون کے وسیع مواقع موجود ہیں، اسحاق ڈار
- ٹرمپ کا وسط مدتی انتخابات کے بعد حوثیوں کے خلاف کارروائی کا عندیہ
- ایران:کرمان میں مسلح حملوں کے الزام میں ایک شخص کو سزائے موت سنادی گئی
- چلاس اور بالائی دیامر میں برفباری، بابوسر ناران شاہراہ بند
- پاکستان ہاکی لیگ کے باضابطہ آغاز کا اعلان آج متوقع ہے
- جرمنی میں لڑکی کو ہراساں کرنے پر روبوٹ پولیس کی تحویل میں.
- قومی اسمبلی کا اجلاس: خیبر پختونخوا میں ایمرجنسی کے نفاذ کی توثیق سے متعلق قرارداد ایوان میں پیش
- منیب بٹ کا شادی شدہ جوڑوں کو مشورہ، گھریلو مسائل سوشل میڈیا پر لانے سے گریز کریں
- صاحبزادہ فرحان نے ابھیشیک شرما کا ریکارڈ اپنے نام کر لیا
- پاکستانی ڈراموں پر پابندی کی کوشش کیوں کی گئی؟ فیصل قریشی کا اہم دعویٰ
